Ачасене халăх культурипе, ăс-хакăлпа шухăш-кăмăл пуянлăхĕпе паллаштарас, шкул ачисене чăваш чĕлхипе, литературипе тата культурипе тĕпчев ĕçне явăçтарас тĕллевпе Чăваш республикин вĕренÿ институчĕ чăваш чĕлхипе, литературипе тата культурипе интернет олимпиада ирттерчĕ.

Олимпиадăна Чăваш Республикин тата республика тулашĕн вĕренÿ организацийĕсенче  5-11 классенче вĕренекен 679 ача хутшăнчĕ. Пĕтĕмĕшле илсен, интернет олимпиадăна çулсерен Шупашкар, Çĕнĕ Шупашкар хулисенчи, Патăрьел, Çĕрпÿ, Елчĕк, Муркаш, Комсомольски, Хĕрлĕ Чутай, Тăвай, Сĕнтĕрвăрри районĕсен  шкул ачисем хастар хутшăнаççĕ.

Мероприятие  хутшăннă пур ачана та, вĕрентекене те тав тăватпăр.  Çĕнтерÿçĕсене саламлатпăр, вĕренÿре ăнăçу, хастарлăх сунатпăр.

Конкурса хутшăнакансене диплом парса чыслаççĕ, ăна регистрации тухнă чух кăтартнă адреспа ярса пама палăртнă.